ကိုယ့်ကလေးကို ပြန်သတ်တဲ့အချစ်  (White stork Birds)

မိဘအနေနဲ့ အသက်ရှင်ဖို့အတွက် သားသမီးကို စွန့်ပစ်လိုက်ဖို့၊ မိသားစုကနေ ဖယ်ပစ်လိုက်ဖို့ နောက်ဆုံးမှာ သတ်ပစ်လိုက်ဖို့ ဆိုတာ စဉ်းစားကြည့်လိုက်မယ်ဆိုရင် အရမ်းကို ရက်စက်ပြီး လူမဆန်တဲ့ လုပ်ရပ်တစ်ခု ဖြစ်ပါတယ်။ လူတစ်ယောက်အနေနဲ့ စဉ်းစားကြည့်လိုက်မယ်ဆိုရင် ဒါမျိုးက လူတွေကြားမှာ မရှိလောက်ဘူး လူတွေကတော့ မလုပ်လောက်ဘူး တိရစ္ဆာန်တွေကပဲ လုပ်လိမ့်မယ်လို့ ထင်မိကြပါလိမ့်မယ်။ ဟုတ်ပါတယ် ဒီလိုအမူအကျင့်ရှိတဲ့ ငှက် တစ်ကောင်အကြောင်းကို ပြောပြချင်ပါတယ်။ 

ငှက်နာမည်ကတော့ တောငန်: ဖြူ လို့ခေါ် မလား 𝐖𝐡𝐢𝐭𝐞 𝐒𝐭𝐨𝐫𝐤 လို့ခေါ်တဲ့ ငှက်တွေဖြစ်ပါတယ်။ ဒီလိုငှက်တွေဟာ ကိုယ့်ကလေးကို သတ်တယ်ဆိုတဲ့နေရာမှာ နာမည်ကြီးတဲ့ ငှက်တွေဖြစ်ပါတယ်။ အချို့ကတော 𝐕𝐢𝐝𝐞𝐨 ထဲမှာတွေ့ဖူးပါလိမ့်မယ် ဒီငှက်ကြီးက သူ့ရဲ့ ကလေးထဲက နောက်ဆုံးမှာ ဉကနေပေါက်တဲ့ အသေးဆုံး အကောင်ကို ရွေးပြီးတော့ သူ့ရဲ့ နှုတ်သီး ရှည်ကြီးနဲ့ ကိုက်ထားပြီး အသိုက်အပြင်ဖက်ကို ဆွဲထုတ်သွား မသေမချင်း သူ့ရဲ့ နှုတ်သီးနဲ့ ကိုက်ထားပြီးတော့ အသိုက်အပြင်ဖက်ကို ထုတ်ထားလိုက်ပါတယ်။ ငှက်ကလေးကတော့ ချက်ခြင်းမသေသေးဘဲ အသိုက်ထဲကို ပြန်ဝင်ဖို့ ကြိုးစားနေတယ် ဒါပေမယ့် ငှက်ကြီးက တော့ လက်မခံပါဘူး ငှက်ကလေးကို ပြန်ကိုက်ပြီးတော့ အပြင်ဖက်ကို ထုတ်လိုက်ပါတယ်၊ အချို့ 𝐕𝐢𝐝𝐞𝐨 ထဲမှာတော့ အသိုက်ထဲကနေ အောက်ကို ထိုးခုလိုက်ပါတယ်။ ဒီလို 𝐕𝐢𝐝𝐞𝐨 ကို အဆုံးထိ ကြည့်ရှုဖို့တောင် မလွယ်ကူပါဘူး… အသက်ရှင်ဖို့ ကြိုးစားနေတဲ့ ငှက်ကလေးနဲ့ ငှက်ကလေးကို မသေသေအောင် သတ်နေတဲ့ ငှက်မိခင်လား ဖခင်လားတော့ မပြောတတ်ပေမယ့် သူတို့ကြားတဲ့က အဖြစ်အပျက်က ရက်စက်မှု နဲ့ နာကျင်မှုတွေကို ခံစားရစေပါတယ်။ 

ဒီလိုဖြစ်စဉ်က ပုံမှန်တော့ မဟုတ်ပါဘူး အထူးသဖြင့် ငှက်ပေါက်လေးက ၃ ကောင်ထက်ကျော်နေတာမျိုး၊ အစာရရှိနိုင်မှု အခြေအနေနဲ့ သဘာဝ ပတ်ဝန်းကျင် အနေအထားတွေပေါ်မှာလည်း မှုတည်နေပါတယ်။ ဒါပေမယ့် ဘယ်လို အခြေအနေပဲ ရှိရှိ ငှက်ကလေး အားလုံးထဲမှာ အားအနည်းဆုံးကတော့ စတေးခံပြီးတော့ ကျန်တဲ့သူတွေကတော့ အသက်ရှင်ခွင့် ရခဲ့ကြပါတယ်။

ဒီဖြစ်စဉ်ကို သေချာ စဉ်းစားလိုက်မယ်ဆိုရင် လူသားတွေလည်း ဒီငှက်နဲ့ သိပ်မထူးခြားကြပါဘူး။ အားသန်တဲ့သူ၊ ကျန်းမာတဲ့သူ၊ ပညာရှိတဲ့သူ၊ ငွေကြေးချမ်းသာတဲ့သူနဲ့ အောင်မြင်တဲ့ သူတွေကသာ ဉီးစားပေးခြင်းခံရပြီး အားနည်းတဲ့သူ နဲ့ ပညာနည်းတဲ့သူတွေကတော့ အမြဲတမ်း စတေးခံဖို့ ရွေးချယ်ခြင်းခံရတဲ့သူတွေ ဖြစ်ပါတယ်။ လူသားတွေ အတွက် အားလုံးတန်းတူဖြစ်ဖို့ ဆိုတာ မဖြစ်နိုင်တဲ့အရာတစ်ခု ဖြစ်ပါတယ်။ ဒါကြောင့် ကျွန်တော်တို့တွေ အောင်မြင်ဖို့ ပညာရှိဖြစ်ဖို့ အားကြီးတဲ့သူဖြစ်ဖို့ ငယ်ရွယ်စဉ်ကနေ အခုထိကြိုးစားကြရတယ် ကိုယ့်ကိုယ်ကိုယ် အားနည်းတဲ့သူလို့ ခံစားလိုက်ရတဲ့ အချိန်တိုင်းမှာ စိုးရိမ်စိတ်တွေ၊ ကြောက်ွရွံ့မှု အထီးကျန်မှုတွေနဲ့ အပယ်ခံတစ်ယောက်ဆိုပြီး ခံစားရကြတယ်။ 

ဒါပေမယ့် လူတိုင်းကို မခွဲခြားဘူး အားကြီးတဲ့သူ အားနည်းတဲ့သူ ခွဲခြားခြင်းမရှိဘူး အားလုံး အရှိအတိုင်း ချစ်ပေးတဲ့သူ လက်ခံတဲ့သူ ရှိပါတယ်။ သူကတော့ ယေရှုဘုရား ဖြစ်ပါတယ်။ ကိုယ့်ရဲ့ အရှိအတိုင်း ရှုံးနိမ့်နေတဲ့သူ ဖြစ်နေပါစေ၊ အားနည်းတဲ့သူ ဖြစ်နေပါစေ၊ အောင်မြင်နေတဲ့သူ ဖြစ်နေပါစေ သူ့ဆီကိုသွားလို့ရပါတယ် ကိုယ့်ရဲ့ လေးလံနေတဲ့ဝန်တွေကို သူ့ကို ပြောပြလို့ရပါတယ်။ သူက မရွေးချယ်ပါဘူး ကိုယ်က သူ့ကို ရွေးချယ်ဖို့ပါ လိုအပ်ပါတယ်။ သူက ပေါ့ပါးခြင်းနဲ့ သက်သာခြင်း၊ နွေးထွေးမှုနဲ့ ခွန်အားတွေကို ပေးနိုင်ပါတယ်။ သူ့ကို ရွေးချယ်လိုက်ဖို့ တိုက်တွန်းချင်ပါတယ်။ ယေရှုဘုရား အကြောင်းကို ပိုသိချင်တယ်ဆိုရင် 𝐌𝐞𝐬𝐬𝐞𝐧𝐠𝐞𝐫/ 𝐂𝐨𝐦𝐦𝐞𝐧𝐭 ကနေ စာရေးနိုင်ပါတယ် ကျေးဇူးတင်ပါတယ်။