စွဲလမ်းမှုများကို ကုသခြင်း

ကုသနည်းတွေကတော့ အမျိုးမျိုးအထဲမှာ အခြေခံအားဖြင့် (၃)မျိုး တွေ့ရပါတယ်။

1. ဆေးဝါးအကူအညီနဲ့ ကုသခြင်း - လိုအပ်တဲ့ ဆေးဝါးတွေပေးတာ၊ Cognitive Behavior Therapy (CBT) လို့ခေါ်တဲ့ စိတ်ကုထုံးခံယူတာ၊ ကျွမ်းကျင်ပညာရှင်တွေဆီက နှစ်သိမ့်ဆွေးနွေးပေးမှုကို ခံယူတာမျိုး
2. ပတ်ဝန်းကျင်အကူအညီနဲ့ ကုသခြင်း - ကိုယ်နဲ့ ဘဝတူ လူတွေနဲ့ အတွေ့အကြုံဖလှယ်တာ၊ စွဲလမ်းစရာတွေ ကင်းဝေးတဲ့ ပတ်ဝန်းကျင်တစ်ခုကို ရွှေ့ပြောင်းတာ၊ စိတ်အပြောင်းအလဲဖြစ်အောင် တခြားအလုပ်လေးတွေ သင်ယူစေတာမျိုး 
3. ဘာသာရေးနည်းလမ်းနဲ့ ကုသခြင်း - ဘာသာအသီးသီးမှာလည်း ဒီလိုစွဲလမ်းမှုပြဿနာကို နည်းလမ်းအမျိုးမျိုးနဲ့ ကုသပေးနေကြမယ် ထင်ပါတယ်။ ဒီနေရာမှာတော့ ခရစ်ယာန်တွေရဲ့ နည်းလမ်း (သို့မဟုတ်) သမ္မာကျမ်းစာက လွတ်မြောက်ခြင်းသို့ ခြေလှမ်း(၃)ဆင့်ကို ဖော်ပြထားတာတွေ့ရပါတယ်။ 

(၁) ရုန်းထွက်လွတ်မြောက်လိုစိတ် ထက်သန်ပြင်းပြမှုရှိခြင်း

စွဲလမ်းမှုနွံထဲကျရောက်သွားသူတိုင်းဟာ လွတ်မြောက်လိုစိတ် မရှိသလို ကူညီပေးဖို့လည်း ခက်ခဲပါတယ်။ ဒါပေမယ့် ကိုယ်တိုင်လွတ်မြောက်လိုစိတ်ရှိသူတွေမှာလည်း လွတ်မြောက်ချင်ပေမယ့် မရုန်းထွက်နိုင်တဲ့အခက်အခဲ ကြီးကြီးမားမားရှိနေပါတယ်။ 

စွဲလမ်းခြင်းနွံထဲနေ ရုန်းထွက်လိုသူတွေဟာ Will Power လို့ခေါ်တဲ့ ကိုယ့်ရဲ့စိတ်ခွန်အားအကူအညီကို အရင်ရှာကြတယ်။ ဒါက စွဲလမ်းခြင်းသိပ်မကြီးမားသေးသူတွေအတွက် အဆင်ပြေနိုင်ပေမယ့်၊ စွဲလမ်းမှုသိပ်ကြီးမားခိုင်မာသွားသူတွေအတွက် ကတော့ Will Power (စိတ်ခွန်အား)တစ်ခုတည်းနဲ့ လွတ်မြောက်ဖို့ မလွယ်ပါဘူး။ ဒါပေမယ့် လွတ်မြောက်နယ်မြေကိုရောက်ဖို့ ပထမဆုံးခြေလှမ်းကတော့ “ဒီလိုဆိုးရွားတဲ့အသေကောင်ဘ၀ ကနေ ငါ့ကို ဘယ်သူကယ်နိုင်မလဲ? ငါကိုနေ့စဉ်နှိပ်စက်နေတဲ့ အမှောင်အင်အားစုကို အနိုင်ပြန်တိုက်ခိုက်ဖို့  ငါ့ရဲ့စိတ်ခွန်အား ထက် ပိုသန်မာတဲ့အင်အား power ရှိသေးလား”လို့ တောင့်တောင့်တတမေးဖို့၊ ရုန်းထွက်လွတ်မြောက်လိုစိတ် ပြင်းပြင်းပြပြ ရှိဖို့ လိုအပ်ပါတယ်။

(၂) ချွင်းချက်မရှိ ကြိုဆိုလက်ခံသူဆီသို့ ခြေဦးလှည့်လျှောက်လှမ်းခြင်း

ယေရှုဘုရားပြောခဲ့တဲ့ စကားတစ်ခွန်းရှိပါတယ် “ကျန်းမာသူတွေက သမားတော်တွေကို မလိုအပ်ဘူး။ မကျန်းမာ နာနေသူ တွေပဲ သမားတော်ကိုလိုအပ်ကြတယ်။ ဖြောင့်မတ်သူတွေအတွက် ငါလာခဲ့တာမဟုတ်ဘူး။ အပြစ်ရဲ့အမှောင်ထဲမှာ ပိတ်မိနေ သူတွေအတွက် ငါလာခဲ့တာဖြစ်တယ်”လို့ ဆိုပါတယ်။ ယေရှုဘုရားရဲ့စကားက အစဉ်အလာအရ ကျွန်တော်တို့ ကြားရလေ့ရှိ တဲ့ ‘မကောင်းသူပယ်၊ ကောင်းသူကယ်’ဆိုတဲ့ စကားနဲ့ ဆန့်ကျင်ဘက် ဖြစ်ပါတယ်။ သူကြွလာခြင်းရဲ့ ရည်ရွယ်ချက်ကိုက မကောင်းသူကို ပယ်ဖို့ မဟုတ်ဘဲ၊ ကယ်ဖို့အတွက် သက်သက်ဖြစ်တယ်လို့ နားလည်ရပါတယ်။  ဒါကြောင့် ဒုတိယအချက်အနေနဲ့ တုနှိုင်းမဲ့မေတ္တာရှင် ယေရှုဘုရားဆီကို ခြေဦးလှည့်လာဖို့ လိုအပ်ပါတယ်။ 

(၃) အသစ်ပြုပြင်ပြောင်းလဲပေးနိုင်တဲ့ ချစ်ခြင်းမေတ္တာရပ်ဝန်းမှာ ပျော်မွေ့နေထိုင်ခြင်း 

ယေရှုဘုရားရဲ့ချစ်ခြင်းမေတ္တာကို နှလုံးသားထဲကနေ ခံစားမိလာတဲ့အခါ ကိုယ်ပျော်မွေ့တဲ့အရာ၊ တောင့်တလိုချင်တဲ့အရာတွေက အလိုလိုနဲ့ တဖြည်းဖြည်း ပြောင်းလဲသွားကြပါ တယ်။ ဒီချစ်ခြင်းမေတ္တာရပ်ဝန်းမှာတည်ဆောက်ထားတဲ့ ရင်းနှီးပျော်ရွှင်မှုဟာ အမှောင်အင်အားစုထက် အဆပေါင်းများစွာ တန်ခိုးကြီးမားတာကို လက်တွေ့ခံစားရသူတွေလည်း အများကြီးရှိပါတယ်။ 

ဒီနေရာမှာ သိမှတ်ထားဖို့အရေးကြီးတဲ့အချက်က ‘ရုန်းထွက်လွတ်မြောက်ခြင်း၊ ပြောင်းလဲခြင်းက တဒင်္ဂအတွင်းမှာ ဖြစ်လာ နိုင်ပေမယ့် ဒီအရာကို ဆက်လက်ထိန်းသိမ်းနိုင်ဖို့ အချိန်ပေးဖို့ လိုအပ်တယ်’ဆိုတဲ့အချက်ပဲ ဖြစ်ပါတယ်။ လုံး၀ရုန်းထွက် လွတ်မြောက်သွားနိုင်ဖို့  ဘ၀ကိုအသစ်တဖန်မွေးဖွားခဲ့တဲ့ ဘုရားရဲ့ချစ်ခြင်းမေတ္တာရပ်ဝန်းမှာ ပျော်မွေ့နေထိုင်ဖို့ လိုအပ်ပါ တယ်။