MMA ချန်ပီယံတစ်ယောက်ရဲ့ ဖွင့်ဟဝန်ခံချက်
𝐅𝐢𝐠𝐡𝐭𝐞𝐫 ကစားသမားတစ်ယောက်ဖြစ်လို့ အများရဲ့အမြင်မှာ ကိုယ်ဟာ အားနည်းပျော့ညံ့သူ ဖြစ်နေလို့ မရဘူး။ ဒါကြောင့် ‘ဘ၀ကြီးက အဆင်ပြေတယ်၊ ကိုယ်ဟာ သန်မာသူဖြစ်တယ်’ဆိုပြီး နေရတယ်။ ဒါပေမယ့် လူတွေမမြင်တဲ့နောက်ကွယ်မှာ သံသယတွေ၊ စိုးရိမ်မှုတွေ၊ ကိုယ့်မိသားစုကိုတောင် မပြောပြ ဝံ့တဲ့ ခံစားချက်၊အတွေးတွေနဲ့ ရုန်းကန်ခဲ့ရတယ် … ဟန်ဆောင်မနေဘဲ၊ အစစ်အမှန်အတိုင်း၊ အဖြစ်မှန် အတိုင်းနေဖို့ ကြိုးစားခဲ့ပေမယ့်၊ ဘာတွေကိုပဲ လူတွေကို ပေးသိမယ်၊ ဘာတွေကိုတော့ ဖုံးကွယ်ထားရ မယ်ဆိုတာကလည်း ရှိနေပြန်တယ်။
၂၀၂၃ နှစ်ကုန်ပိုင်းလောက်မှာ 𝐎𝐧𝐞 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 ရဲ့ အမျိုးသမီးချန်ပီယံတစ်ဦး ဖြစ်တဲ့ 𝐀𝐧𝐠𝐞𝐥𝐚 𝐋𝐞𝐞 ဟာ 𝐌𝐌𝐀 ကစားသမားဘ၀ကနေ အနားယူသွားခဲ့ပါတယ်။ အသက်(၁၉)နှစ်အရွယ်မှာပဲ 𝐀𝐭𝐨𝐦𝐰𝐞𝐢𝐠𝐡𝐭 ချန်ပီယံတစ်ဦးဖြစ်လာခဲ့လို့၊ 𝐌𝐌𝐀 သမိုင်းမှာ ကမ္ဘာ့အသက်အငယ်ဆုံးချန်ပီယံအဖြစ် မှတ်တမ်းတင်ခံရသူလည်း ဖြစ်ပါတယ်။ ချန်ပီယံခါးပတ်ကာကွယ်ပွဲ(၅)ပွဲထိ ဆက်တိုက်ကာကွယ်နိုင်ခဲ့လို့ သန်မာတဲ့အမျိုးသမီးဆိုပြီး လူတကာအားကျရ၊မိသားစုဂုဏ်ယူရသူဖြစ်ပါတယ်။
𝐅𝐢𝐠𝐡𝐭𝐞𝐫 ကစားသမားတစ်ယောက်ဖြစ်လို့ အများရဲ့အမြင်မှာ ကိုယ်ဟာ အားနည်းပျော့ညံ့သူ ဖြစ်နေလို့ မရဘူး။ ဒါကြောင့် ‘ဘ၀ကြီးက အဆင်ပြေတယ်၊ ကိုယ်ဟာ သန်မာသူဖြစ်တယ်’ဆိုပြီး နေရတယ်။ ဒါပေမယ့် လူတွေမမြင်တဲ့နောက်ကွယ်မှာ သံသယတွေ၊ စိုးရိမ်မှုတွေ၊ ကိုယ့်မိသားစုကိုတောင် မပြောပြ ဝံ့တဲ့ ခံစားချက်၊အတွေးတွေနဲ့ ရုန်းကန်ခဲ့ရတယ် … ဟန်ဆောင်မနေဘဲ၊ အစစ်အမှန်အတိုင်း၊ အဖြစ်မှန် အတိုင်းနေဖို့ ကြိုးစားခဲ့ပေမယ့်၊ ဘာတွေကိုပဲ လူတွေကို ပေးသိမယ်၊ ဘာတွေကိုတော့ ဖုံးကွယ်ထားရ မယ်ဆိုတာကလည်း ရှိနေပြန်တယ်။ အရှိအတိုင်း ပွင့်လင်းဖို့ဆိုတာ တကယ်မလွယ်တဲ့အရာပါ”လို့ 𝐀𝐧𝐠𝐞𝐥𝐚 က ဆိုပါတယ်။
𝐀𝐧𝐠𝐞𝐥𝐚 ရဲ့ အဖြစ်လို ကြုံနေရသူ ဘယ်နှယောက်များ ရှိနေမလဲ။ တကယ်တော့ ကျွန်တော်တို့ အားလုံးဟာလည်း 𝐅𝐢𝐠𝐡𝐭𝐞𝐫 တွေ ဖြစ်ပါတယ်။ 𝐌𝐌𝐀 ကြိုး၀ိုင်းထဲမှာတော့မဟုတ်ပေမယ့်၊ ဘ၀ကြိုး၀ိုင်းထဲမှာတော့ လောကဓံတရား တွေနဲ့ နေ့စဉ်နဲ့အမျှတိုက်ခိုက်နေကြရတာပါ။ ဝမ်း၀ရေး၊ ဘ၀လှရေး၊ မိသားစုရေးအတွက်၊ အနာဂတ်အတွက်၊ အိပ်မက်တွေအတွက် နေ့တိုင်းတိုက်နေရပါတယ်။ တကယ်တော့ 𝐌𝐌𝐀 ကြိုး၀ိုင်းထက်၊ ဘ၀ကြိုး၀ိုင်းထဲက ရန်ဘက်က ပိုဆိုးပါတယ်။ 𝐌𝐌𝐀 စင်မြင့်ထက်ကရန်ဘက်က လအတန်ကြာမှ ရင်ဆိုင်ရတာမျိုးဖြစ်ပေမယ့်၊ ဘ၀ကြိုး၀ိုင်းထဲက ရန်ဘက်တွေကတော့ နေ့တိုင်းရင်ဆိုင်ရတာပါ။ မသေချာမှုတွေ၊ ထင်သလို ဖြစ်မလာတာ တွေ၊ စိတ်ပျက်မှု၊ မျှော်လင့်ချက်မဲ့မှု၊ သံသယစိတ်၊ လက်လျှော့လိုစိတ်တွေနဲ့ နေ့တိုင်းတိုက်နေရပါတယ်။
အမှန်တရားတစ်ခုရှိပါတယ်။ ဘယ်လောက်သန်မာတဲ့သူပဲ ဖြစ်ပါစေ၊ အားနည်းချိန် ဆိုတာရှိတယ်။ ယုံကြည်မှု ဆိုတာ တချိန်လုံး အမြင့်မှာရှိနေတာ မဟုတ်ပါဘူး။ တခါတလေ အရှိန်နဲ့ ထိုးကျချိန်တွေလည်း ရှိတတ်ပါတယ်။ အပြင်ပန်းမှာ သာယာသလိုထင်ရပေမယ့်၊ အတွင်းစိတ်မှာ မုန်တိုင်းထန်နေတတ်ပါတယ်။ တကယ်လို့ ဒီလို အဖြစ်မျိုး သင်လည်းကြုံနေရရင် စိတ်မလျှော့ပါနဲ့။ လက်မလျှော့လိုက်ပါနဲ့ ဦး။ “ဝန်လေးပြီး ပင်ပန်းသူတွေ၊ ငါ့ဆီ လာပါ။ ငါ ချမ်းသာပေးမယ်”လို့ ယေရှုဘုရားက ဆိုပါတယ်။ မိသားစုကပေးတဲ့ ဝန်၊ မိတ်ဆွေတွေပေးတဲ့ ဝန်၊ ကိုယ်တိုင်တင်ထားတဲ့ဝန်…ဘယ်လိုဝန်မျိုးဖြစ်ပါစေ၊ သက်သာပေါ့ပါးသွားအောင် ကူညီပေးဖို့ ယေရှုဘုရား က လက်ကမ်းကြိုနေပါတယ်။ ဘယ်သူကိုမှမပြောပြဝံ့တဲ့ သင့်ရဲ့ ဖိစီးပင်ပန်းမှုတွေနေရာမှာ၊ ဘယ်သူကမှ မပေးစွမ်းနိုင်တဲ့ မျှော်လင့်ချက်နဲ့ အားအင်သစ်ကိုအစားထိုးပေးဖို့ ယေရှုဘုရား ကူညီပေးနိုင်ပါတယ်။
